下月再搞美食節

疫境求全命不絕

氹仔食肆客重來

舊區可享私房菜

澳門美食節下月又來啦！今屆主題為“品味世界，美食之都”，逾百土炮食店參與，展多元飲食文化，振興經濟。

疫情肆虐全球，澳門吉人天相，成為世界最安全城市。惟人類生活在地球村，你安全，人家唔掂，同樣冇運行。小城係旅遊城市，冇客到，冇生水，入不敷支，政府長貧難顧。

作為飲食業，疫情初期，居民減少外出，食店做外賣，少很多生意，政府兩派消費卡，令中小企得以年中至現在恢復七八成。但做遊客生意的，如賭場酒店食肆長處寒冬，唯望聖誕、元旦、農曆新年能將冰山劈開。

“民以食為天”，人始終為食，在此逆境下，有店舖摺，亦有店開，看來飲食業係商家及創業者最易開店的項目。

最近氹仔施督憲政街新開一食府，主攻鮑魚私房菜，門面裝潢，格調高雅，以為是高消費，實則豐儉由人。此店由村屋重建，地下坐直上一二樓。一樓設三小席，二樓包廳一大檯，適合大棚好友歡聚。兩層頗講究，一樓廳間有個大富字，門口則有九十九個木刻小富字，湊足百富；二樓廳間亦有大細樂字，寓意百樂，彰顯以富字為其集團命名，食府曰“富薈”。

嘗過本澳若干私房菜，香港亦去過，總覺“富薈”落本，小小食府耗千萬裝修，客人倍感舒暢。店由前五星酒店大廚主理，色香味俱佳，客可要求菜式，兩頭半鮑都有供應。

氹仔舊區遍佈食肆，中西美食各具特色，住澳門半島者，喜捨近圖遠，駕車到氹仔消費享美食。近月食肆多了本地客，居民被疫情困足成年，絶跡旅遊，倒要開懷放鬆，假日到舊區逛一圈，食晚飯，再到龍環葡韻欣賞光影燈飾，誠一樂也，夫復何求！

羅倫斯