袁偉豪放下大男人身段

袁偉豪(Ben)剛推出新歌《你是你的另一半》，日前接受許文軒訪問時透露唱歌是一直以來的夢想，沒想到夢想成真。曾經他有一段日子想過放棄唱歌，一度把結他收起來，結果放得太耐結他線都生繡，他謂:“只係間中拎出嚟望下，好灰心！支結他好似畀人拋棄咁。”新歌是他親自創作，直言決定成為創作歌手：“我唔能夠話我喺演員方面去到樽頸位，但唔係每一次演出都咁完美、咁享受。做音樂做出可以觸動自己嘅音樂，令到聽嘅人都觸動，所以都係時候畀自己有個新嘗試。”

未婚妻張寶兒(Bowie)為他的歌曲填詞，Ben希望這首歌可以成為以後大家求婚歌、結婚歌，甚至婚宴上播放成長片段的歌曲。提到和Bowie情侶檔合作，他說：“有一期自己好抗拒，連工都唔想返，拍完嘢即刻想走唔想做訪問，覺得嗰個時期自己唔係演員。因為我拍套劇減二十磅，搞到半死，親身上陣拍危險場口，大家只會問Bowie擔唔擔心。依家我豁出去，唔再用大男人心態面對。”