陳庭欣拒食回頭草

陳庭欣(Toby)前日出席劇集宣傳，以貼身迷你裙現身，因為影相及玩遊戲時經常郁動，險些走光。被問為何穿得如此性感？Toby笑說：“可能我最近長高咗，加上條裙縮水，所以有咁樣效果。呢條裙好耐之前都着過，依家着得返都好開心。”

Toby在劇中的角色相當乞人憎，經常設法拆散前夫陳豪和宣萱這一對。問她在街上可有被視民鬧爆？她笑言：“我好變態，好想出街畀人鬧賤格！有觀眾已經睇過網上版，都覺得個角色好乞人憎，依家出街如果畀人鬧，我會好開心。”

問她現實中可有試過被男友的前度騷擾？Toby慶幸沒有遇過這情況：“每一段感情分手都會諗得好清楚，我同前度暫時分手之後都唔會再聯絡。（唔會食回頭草？）唔會！（你會唔會介意男友同前度約會？）如果聯絡就冇所謂，單獨食飯就始終唔係咁好囉，個心都會唔舒服。”