蘇麗珊初嘗街頭獻唱

蘇麗珊(Cecilia)日前到旺角街頭獻唱，由於是生平第一次現場唱歌，Cecilia非常緊張，她說：“其實我在起咪那一刻真係手震，所以一開口就聲都震埋，驚到唱歌都走音。但係過程中好享受，現場觀眾好支持我，就算唱得唔好都拍手鼓勵；有個小妹妹一邊聽一邊跑跑跳跳，更放低廿文畀我。平時做電影冇機會同觀眾直接面對面接觸，唱歌感受真係好唔同。呢兩年我有學聲線運用及唱歌，亦有學結他，有決心要朝音樂方向走，希望可以有更多機會唱歌啦。”

據悉Cecilia要街頭獻唱，是因為“犯了女生都會犯的錯”而被罰找數，Cecilia笑說：“因為我比較喜歡食零食，但公司同事及經理人都禁止我食咁多零食，我就同大家輸賭話唔食。結果有日就被發現我偷食薯片，佢哋話要罰我去旺角跳舞。那晚剛好與顧定軒食飯，佢就話不如Busking唱歌找數啦。結果就借咗人哋個場、客串唱首歌。剛好當日係白色情人節，我揀咗我喜歡的王菀之那首《好時辰》應吓節。”