英記好友夠鐘起筷

澳馬場騎師人手近年逐漸減少。自從去年爆發世紀疫症後，外來者抵澳須隔離檢疫至少兩至三周，令不少人望而卻步。繼去年查維斯、馬雅及杜樂天離去後，騎師買少見少。現總共十六人，三人養傷，實得十三位騎師上陣，人手嚴重不足。月初法國黎昌全擬赴毛里裘斯發展，惟當地疲情爆發嚴重，禁止外國人入境，此子焗住留在此間策騎，上周兩仗憑“好好”、“科高騷”及“興圖”摘取三W，頭馬增至十一場。黎昌全今番無法成行，正是“塞翁失馬，焉知非福”。雖然海島馬場唔算架勢，但騎者肯努力拼搏仍搵到啖食。

鮑羅素上仗策“阿努納奇”快放走返，替王君適廄增添進帳。此子上季同適廄合作，贏過多場頭馬。今季首度勝出“阿努納奇”，騎練合作愉快。適廄今季暫取十W排名第八，論成績普通。王君適前季養馬達三十匹，今季兵源銳減，只剩十八駒，規模較上季縮細。練者為穩定軍心，近期開始“追數”。旗下馬匹經一輪減分，大部分可派用場，須時刻盯緊。

周六上演草地日賽，王君適廄“英記好友”報跑四五班千二米，此途程有兩勝五位紀錄，令人憧憬。“英記好友”上仗千五米任布利主轡，放至直路始敗，前三段放得有聲有色。拼後小休重來，今番復跑贏馬路程不同估計。此駒上季評分高企，練者着意減分再搏。今於四五班混戰實力稍超，千二米為最佳出路，賽前打磨甚力，今番操足再戰，夠鐘起筷。