陳卓賢拍MV被彈琴戲碼考起

人氣男團組合MIRROR日前宣佈五月開騷，三場門票瞬即被樂迷秒殺；作為團內“創作擔當”的陳卓賢(Ian)，前日亦推出年度第一首新歌，更一改“陳式情歌”風格，以甜蜜冧歌打響頭炮，引發心動警報。Ian坦言：“曲風同以往好唔同，希望藉今年推出嘅幾首歌，向大家展現更多的我。”

日前Ian就為新歌拍攝MV，團隊特地搭建了溫馨而復古的六角形房間，他大讚製作用心，又指三百六十度拍攝效果有趣。不過向來多才多藝的他，竟被一場彈琴戲碼考起：“導演想我在間奏時彈琴，於是我就即刻聽吓首歌，臨時彈出嚟！當下都幾大壓力，因為大家都等緊我。但我都好耐無彈琴，冇準備嘅情況下都有啲驚，算係當日最緊張嘅戲。”

提到今年在樂壇的目標，Ian承諾繼續朝唱作人方向進發，同時亦向樂迷大派定心丸：“早幾個月好似冇乜動態，知道大家有啲擔心。其實呢段時間在為今年嘅計劃做準備，包括呢首新歌都係呢幾個月嘅創作。而且我有持續進修，希望各方面做得更好！最近訂立咗一啲目標，例如之前講過今年想推出四首歌，所以要催促自己加緊腳步，希望可以如期完成，亦都希望大家關注我嘅作品。”