伊龍麥斯克想主持搞笑節目

現實版“鐵甲奇俠”的Tesla老闆、億萬富豪伊龍麥斯克(Elon Musk)最近有意發展他做諧星的潛力，計劃五月上旬空降美國長壽搞笑節目《Saturday Night Live》(SNL)擔任客席主持人，狂野女歌手麥莉賽勒斯(Miley Cyrus)則會是表演嘉賓，單睇牌面，都夠晒話題。

不過，超級有錢的伊龍並不是想像中咁受歡迎，有網民在推特表示由他主持的節目冇人想睇，留言要求麥莉應該以雙重身份出現，即是既做主持人亦做埋唱歌嘉賓，不希望伊龍搞衰呢個節目。此外，亦有酸民質疑伊龍是否畀錢才得到主持的工作，不然實在想不到SNL是否技窮至此，要伊龍“下凡”打救。