梁諾妍後日出嫁唔緊張

昨日，藝人梁諾妍出席商場活動，證實和男友洪永城本周日的婚期。被問為何如此趕急舉行婚禮，梁諾妍說今年二月求婚後，即刻籌備婚禮：“其實七月都揀咗幾日嘅，一知婚禮放寬至五十人就決定個日子，驚之後再縮回二十人，但我的親戚在澳門嚟唔到，男友媽咪喺台灣都返唔到嚟，到時視像斟茶。（有請圈中人？）有，通知得切，大家都好錫我哋。”

婚期將至，她笑說沒有緊張，每日都忙於工作及籌備婚禮：“忙到星期六先有時間放假剪、染頭髮，最後衝刺！”最終是否跟男友對調着婚紗及西裝？她說提議沒被接納，又指男友比她更貪靚：“佢除咗日日敷Mask，又戒澱粉Keep弗之外，仲話要買啲快速生頭髮嘅洗髮水，因為佢想嗰日蠟頭，我有叫佢戴假髮，我唔介意，佢冇頭髮都OK，係真愛！之前佢影結婚相成日都覺得個髮型爭啲，我唯有讚佢其他部位。（例如？）讚佢單眼皮幾單咁囉，哈哈！”