鍾舒漫轟陳潔玲騷擾恐嚇

歌手鍾舒漫(Sherman)跟陳潔玲去年合作經營防疫消毒用品生意，卻發生金錢糾紛要對簿公堂，案件近日有新“進展”，二人在網上各自發功互相過招，最終Sherman連出五個帖公開事情始末，自稱被人爆粗騷擾恐嚇，火藥味十足。昨日Sherman為開電視節目擔任嘉賓受訪，語調極之勞氣。

她說難忍再被陳潔玲老屈誣衊，指她有恐嚇證人之嫌，形容對方“姣婆守唔到寡”：“自從拆夥之後就再冇聯絡，但留意到佢行徑，都擔心佢精神狀態，覺得佢需要睇醫生，其實件事進入司法程序就少講嘢，但佢一定要喺網上證明自己係啱，中途都一路忍佢，想尊重法庭、自己，但直至上星期尾，連續幾日不斷轟炸我同Steve（男友林灝軒），佢明明係Block咗我哋，突然間解封你，成日喺凌晨四點幾開始狂Send啲核突嘢嚟，啲Message又不斷重複，難聽得嚟又冇新意，Send完又Block返，好似鬼上身咁！”

案件下月廿五日判決，有冇信心勝訴？她說好有信心，百分百問心無愧。