婦好將軍令人憧憬

今午五場草地黃昏賽，在移欄八米跑道角逐，頭場四點正開跑。各場形勢緊湊，馬少場合暗藏殺機，賽果爆冷唔奇，投注執生。練者馮耀正高掛免戰牌。騎師陣容續由昨賽原班人馬出戰。

筆者心水推介，第一場五六班千五米，史偉恩廄“婦好將軍”可做馬膽。此駒季內跑同程開齋，可見路有專長。近兩仗敗後重新打磨，今番回配替此駒贏馬的高君濤主轡，令人憧憬。

“婦好將軍”論質有限，但三歲馬勝在未用盡，全熟後居五班料仍有可為。此駒贏過同程，論賽績同組馬無一可比。上次千八米放至末段勁力不繼，敗後匆匆再上征途。賽前廄中人落力打磨，晨操由練者親自摸過兩課，馬匹作戰狀態仍佳。“婦好將軍”欣逢路合且配搭堅強，憑高君濤駕輕就熟，可勝此局。