與靚湯趕拍劇鬥忙

馬國明唔會奉子成婚

昨日，《寶寶大過天》演員馬國明、商天娥、吳岱融、吳沚默、利穎怡等出席活動，為該劇大結局宣傳。談到洪永城奉子成婚，問馬國明可會效法？他笑言應該不會了，因為與女友都要忙於拍劇，但如果有意外就會通知大家。

為配合《寶寶大過天》的內容，昨日五位女藝人利穎怡、張詩欣、朱斐斐、吳沚默和葉蒨文齊齊玩“媽媽初體驗”遊戲，戴上假肚道具玩健身操，期間一眾女星玩得十分投入，還差點走光。馬國明與吳岱融則用儀器模擬感受生仔的痛楚，馬明表示：“我唔知生仔會有幾痛，但用儀器模擬生仔感受，只感覺到有電流在肚上‘嗱住’咁，如果科技發達到男人都可以生仔，我都唔介意試吓，因為覺得母愛真的好偉大。（你與靚湯又何時結婚？）仍未有計劃，（會否學洪永城奉子成婚？）應該唔會，如果有意外時先公佈啦。”馬明之後再補充說：“我們始終都係希望結婚之後才生小朋友，而且她（湯洛雯）和我都要趕拍劇，十分忙，有時她比我還要忙呢。（你最近趕拍哪部劇集？）要拍的新劇係《隱形戰隊》，會拍到年底。（靚湯呢？）我只知她連開兩劇之外，已有第三部劇等住要她演出。（你在新劇中要操肌上陣？）係呀，但因為我一個月前才知道要拍這劇，準備時間唔夠，都擔心操唔出肌肉來，睇嚟都要請教陳山聰和林子善如何可練出滿身健碩肌肉。”

利穎怡昨日戴上假肚道具體驗一下懷孕的感覺，被問到何時當媽時，已結婚兩年的她表示：“我同老公對生小朋友都持開放態度，一切隨緣，等上天的安排吧。老公好鍾意小朋友，但我擔心若將來生了仔冇人識湊，所以都問定身在加拿大的媽媽，會否返港幫手湊孫，但媽咪笑言等我真的生咗先再講。”