陳庭欣認睇ViuTV劇集

前晚，黃百鳴、胡諾言、陳庭欣、麥雅緻、可嵐、莊思明等出席電影首映禮。胡諾言當晚成了“湊仔公”，帶着八個小朋友一齊來睇戲，他笑言：“大家唔好誤會，當中只是三個係我嘅仔女，其餘係仔女嘅同學，（未見你太太陳琪？）她有工開，她仲取笑我一拖八搞唔搞得掂。實情係除咗我之外，仲有個工人姐姐幫手的。（最近拍甚麼劇集？）最近要拍《廉政行動2022》及《廉政狙擊》，之後又要拍《隱形戰隊》，在兩套廉政劇中，我都係演反派。”

談到ViuTV近來十分進取，多個節目和劇集都甚有話題，陳庭欣透露自己都有睇ViuTV的劇集《大叔的愛》，當然自己台的劇集亦肯定會睇啦。問她為何看友台的節目？她表示：“始終做呢一行，想了解大家做緊乜嘢。（TVB還是友台的劇集好睇？）我冇追晒友台啲劇，我認為自己台的同事要求會高啲，因為我識佢哋，我依然對公司的劇集評高分數，而友台嗰啲就好有新鮮感，（因為友台劇集有黃德斌？）他的演技好就唔使講啦，我自細就睇佢嘅劇集。”