羅子溢聞女兒叫爸好感動

昨日，羅子溢（前名羅仲謙）、麥明詩媽咪麥何小娟等現身香港書展活動。身為人父的子溢，乘機向麥媽媽討教湊仔經。

談到女兒“小珍珠”，子溢便滔滔不絕，他表示囡囡已一歲有多，他和老婆楊茜堯（前名楊怡）已開始為女兒報讀學前班而張羅。子溢自爆曾因為女兒的問題兩夫妻產有意見，還試過冷戰呢。他又透露：“早前，我和老婆夫妻檔返內地拍劇，一共去了三個月，返港時，小珍珠差啲唔認得我哋，當時更當住我哋叫外婆做阿媽，老婆聽見都有啲內疚。其實她在內地拍劇時，已有思鄉病，覺得錯過了陪伴囡囡三個月成長的童年時光。（囡囡識得叫你爸爸嗎？）當然識啦，但第一次聽到她好清脆咁叫我爸爸時，真係好感動。”

會否再追生多個囝囝？子溢笑言：“你以為話咁易咩，我哋盡力啦，上次積極造人反而失敗，反而放鬆心情就成功有了囡囡，子女嘅嘢都係只能隨緣。”