娥姐有兩個視帝兒子

《寶寶大過天》中的奶奶Happy姐，戲中十五歲時，被衰佬吳岱融呃咗。馬國明演兒子，但他跟商天娥年齡只相差十一歲。何奇之有，娥姐自豪說，十九年前已演郭晉安母親。演藝生涯中，已生了兩個視帝；但人生中，仍膝下無兒。

藝訓班畢業後跟張國榮合演《儂本多情》而走紅的商天娥，當年是TVB力捧的花旦，被視為阿姐接班人，先後演出《鹿鼎記》、《義不容情》等經典劇集。後投亞視，並到內地發展。二〇〇三年商天娥重返TVB，在《隔世追兇》演郭晉安媽媽……

為什麼娥姐四十九歲才結婚？她說：“年輕時掛住拍拖，更為愛情而迷失自我。幸好朋友提醒，人生不只得愛情，唔可以用一樣嘢箍死自己。於是搵自己興趣，沉迷於事業了。”

熒幕上演母親，已有兩個視帝兒子，但商天娥心願生兩個女兒。可惜夫妻遲婚未能如願，明白不可強求。

《寶》劇中對衰鬼老公癡心一片，縱使對方做盡壞事，仍深愛對方。現實中，娥姐對老公是否也死心塌地？“未至於，結婚十年至今仍很Sweet，每次出門口前都會有個愛的抱抱或Kiss。老公吸引我之處是疼惜我，疼惜我屋企人。我覺得不需要Check行蹤，除非你廿四小時跟實，否則，防不勝防的。我的底線不能有第三者，不能提兩個字（離婚），有問題攞出來講清楚。”

離巢六年再返TVB拍劇，商天娥自言有兩大原因：第一係有戲癮；第二係難忘跟馬國明識叻仔於未遇。當年化妝間，有個小子非常醒目，觀察力強、心思縝密，懂得以不同方式跟不同人溝通。整個化妝間諸式人等都可以有偈傾。“我個樣咁嚴肅，佢有本事同我傾偈，即係佢睇穿每一個人。所以我呢個仔，直情係個好老公啦，我覺得係湯小姐（湯洛雯）的福氣……”

高 梁