黎明暗示已經再婚

黎明 (Leon) 一連九場的《Talk & Sing 2021紅館演唱會》前晚圓滿結束，李嘉欣和老公許晉亨穿上白色情侶裝恩愛現身捧場之外，還有衛蘭、緋聞男女蔡思貝余德丞、寰亞娛樂老闆林建岳等。

Leon獻唱了多首金曲之後，再現“金句王”本色，他首先為這稱號“解畫”：“其實我無咩金唔金句，以前講啲嘢有時會太過跳線，大家唔係好明，所以記者朋友畀咗我呢個稱號，其實我係冇乜金句的。”之後他以其經典金句“核心內圍同核心外圍”比喻夫妻關係，他指朋友覺得老婆在婚前婚後是兩副面孔，婚前溫柔體貼，婚後變得惡死，他便對朋友說：“核心嘅外圍就係愛情，核心嘅內圍就變咗親情，升咗去更高層次。所以大家要互相珍惜，互相愛護。”

Leon之後說結婚是男人的墳墓，接着話介紹嘉賓出場，他返回後台又即刻出來，笑說自己是當晚的嘉賓黎明，指剛才Leon話入咗棺材，他這個黎明便代Leon行返出來。向來對感情低調的他，從來沒有公開過與女兒媽咪Wing的關係，不過早於頭場時，表演嘉賓已經以“黎明太太”稱呼Wing，這次他又說到進入戀愛墳墓的“棺材論”，好像暗示他已經和Wing結婚。