常山鷹一網打盡

今日上演打吡大賽，戲碼精彩。大賽日捧邊個馬房？榜首錢健明廄九駒應戰，施展馬海戰術，正是唔打得都睇得，且看可否贏馬。騎師博吓艾比，此子騎足六場，部分座騎具爭勝實力，遇有分頭可博大霧。

艾比今季出賽近二百場，暫取一冠八亞十三季，計勝出及上名率偏低，此類冷門騎師本無推介價值。但今仗六駒出戰，座騎實力不差，個別有分在手隨時可爆。尤其今日跑大賽，形勢似亂世佳人，捧熱門不如燒冷灶，買中一件夠本，馬迷不妨考慮。

第一場：四五班千五米。“常山鷹”季內同程開齋，可見路程適應。贏後連場敗北，迄今評分減至有利水位，居此組作賽有力反彈。“常山鷹”連仗走勢見近，拼後小休再磨，今次用艾比示人以弱，憑分利出爭，隨時一網打盡。

第二場：二三班千八米。“錢寶通”季內兩勝千五米即退藏於密，連敗多仗已減夠分，今次轉戰千八米應不同估計。此駒後勁可取，拼後操練積極，今次出爭長途有利追趕，用艾比異軍突起，爆冷唔奇。

第三場：四五班千五米。“幸運星”上仗同程入位，走勢轉好。此駒質新未盡，季內少拼，用得不多，賽至季尾可贏體力。馬匹拼後打磨未放鬆，今次易配艾比再戰原程，憑磅輕路合，可加入戰團。