黃妍預告音樂會唔騷肌

唱作女歌手黃妍 (Cath) 花了兩年時間籌備的全新專輯《九道痕跡》日前推出，昨日她到旺角舉行簽名會，吸引逾百歌迷一早持碟到場排隊支持，令她十分開心，更為她下月舉行音樂會打了一支強心針。

Cath 表示：“今次簽名會既興奮又開心，而且都幾期待，因為時隔兩年才出碟，這專輯係我呢兩年嘅記錄，所以好想面對面咁同大家分享。看到大家的反應這麼好，我真係好感動！好感謝大家支持。”

談到她下月舉行的音樂會，Cath笑言自己會以音樂為主，沒有騷肌環節，自己會將心思都花在演出流程中：“我覺得成個騷最緊要係個流程，尤其係我出碟後，有人話我知原本佢對某啲歌係冇特別感覺，但順住流程去聽，變得愛上咗隻歌，同埋搵到歌中意義，令我喺安排演出曲目時，更加覺得要恰當地去儲好觀眾嘅情緒，同表達當中Message係件好重要嘅事，亦係我喺今次演唱會中，想做到嘅嘢，希望入場嘅觀眾可以感受到。”