煲湯飲到未婚夫痾嘔

陳詩欣內疚廚藝不精

安德尊、 章志文、姚嘉妮，宋芝齡及彭慧中等昨日錄影《流行都市》，並宣佈節目會延長至一小時。陳詩欣與黃嘉雯及謝芷倫作為新成員加入節目主持人行列。

黃嘉雯(Carmaney)表示加入《流行都市》已接近兩個月：“現時每星期主持三、四日，有份參與的新環節與煮食有關，不過我只負責做小幫手，最想試吓整胡椒蝦及多款甜品。”

Carmaney表示平日在家中亦有煮餸，加上疫情期間經常下廚，做節目後亦有跟大廚學煮很多菜式，她笑說：“好彩冇肥，又可以唔使食飯，覺得好幸福。”她又稱節目經常要出外景，可以玩瑜伽、汽車飄移及花式跳繩等，很適合她貪玩的性格。被問豈非冇時間拍劇？Carmaney說：“都係過渡性質，因為節目依家要播一個鐘。（經常出外景好容易爆騷？）要多謝監製，主持節目亦可以訓練口才。”

陳詩欣(Eunice)之前有份主持的綜藝節目《姊妹淘》停播後，隨即加入《流行都市》，她笑言監製是想給她機會學習廚藝。她笑說：“未婚夫也說好，因為我曾經煲湯給他飲，飲到佢又痾又嘔！因為我調轉次序，最後才放豬肉，令佢飲到痾嘔，自此就冇掂過個煲。”她又讚未來奶奶廚藝好：“將來結婚後大家會住在附近，奶奶為咗個仔安全着想，應該會好歡迎我哋回家食飯。”

Eunice透露婚禮將於十月三十日舉行，其他細節則要看當時的防疫政策才能作準，姊妹團已確定有余香凝、蔡嘉欣及陳約臨等。陳約臨近日在東奧採訪時鬧出風波，問她到可擔心對方在婚禮上講錯說話？Eunice笑說：“唔會嘅，佢興奮啫。(有冇安慰對方？)有，佢心情已OK。”

Eunice謂雖然大家都叫她不用再減肥着婚紗，但她還想減手臂：“現正積極減肥，因另一半身形瘦削，令我壓力好大。”被問婚後是否不設防？她坦言姊妹都有催她快啲生B，但她想婚後先再工作一段時間。