海洋之星一放迄終

今午跑黃昏馬，五場草戰在全闊跑道角逐，頭場四點正開跑。騎師除中野省吾停賽，續由上仗原班人馬出戰。綜觀大局，各場多缺乏重心，群龍無首局面，暗湧重重，賽果爆冷可料，投注小心選擇。

筆者心水推介，第一場四班千五米，劉志森廄“海洋之星”可做馬膽。此駒上仗埋門輸半步未竟全功，拼後縮程再來，原配張志立操刀排一檔起步，冀一放迄終。

“海洋之星”七歲馬未盡退化，季內跑來有兩腳。自上季尾贏後至今再無頭馬見面，季內多仗未竟全功，練者極欲替牠勝回一仗。此駒草地千五至千八米最佳出路，上仗埋門屈居亞軍，人馬表現仍佳。拼後再磨，埋門由張志立親自試一課，論馬狀態保持得好。今番轉戰千五米，在全闊跑道作賽，抽到一檔形勢佔優，出閘貼欄放順，有力帶到。