耀新之星有力添食

今日五場草地黃昏馬，形勢“立立亂”。加上連日有雨，令場地起變化，屆時跑淋地賽果更易爆冷。練者爭冠形勢未定，錢廄上仗起孖現有五場頭馬優勢，且看本季餘下賽事可否續增進帳。錢廄今仗七駒上陣，計馬實力不弱，爭冠馬房戰意高昂，仍堪追捧。

另路人馬蔡鎮威今屆爭冠無望，但季尾積極進取，近期搏殺頻添進帳，現以十六W排名十傑內。馬房成績躍進，練者可放輕鬆心情搏殺。今仗六駒參賽，當中不乏餐士馬，臨場值得留意。

第二場：三四班千二米。“和英雄”上仗沙地贏來悅目，馬匹表現進步良多。拼後小休再來，續由余健雄掛帥已駕輕就熟。此駒質素尚新，實力未用盡，今番轉戰千二米亦可應付。遇上同組對手無多，形勢依然有利，憑馬勇磅輕可再下一城。

第三場：二班千五米。“協會八號”季內多仗不勝有位，馬匹能跟可鬥，表現勇猛。上仗千八米遇強敵落敗，拼後小休重新打磨，論馬依然有態。今仗易配鮑羅素操刀，論配搭更堅強。欣逢路合磅輕，爭勝牌面可秤先。

第四場：四五班千二米。“耀新之星”季內屢拼未贏，上仗用高君濤打破悶局，贏來頹氣盡消。此駒季末走勢轉好不少，表現令人憧憬。今仗續跑千二米路程正合，易配安萬堯操刀，幕後仍具搏殺意圖。憑馬勇路合兼磅輕，有力添食。