羅敏莊相隔九年再開唱

羅敏莊(Mimi)最近作客TVB娛樂新聞台節目《StarTalk》，接受主播許文軒(Edmond) 專訪，大談相隔九年再舉行大型售票演唱會感受。她笑言可以拎起支咪唱歌就開心，“我都餓咗好耐，好想快啲親身感受吓觀眾嘅掌聲、歡呼聲。”

Mimi上次開騷，女兒仍在懷中，問她今次演唱會可會讓女兒上台一展歌喉？她表示：“個女大個咗，開始發育，進入怕醜又尷尬嘅年紀，冇得迫佢上台！有時好似同佢合照後，佢會叫我唔好放上社交平台，因為唔想畀人見到佢，話會好尷尬！佢有音樂天份，拍子、音準都OK，有時我唱歌佢會話我有個音好似走走哋！”

Mimi在疫情下重新跟老師學唱歌，又重拾彈鋼琴興趣：“我趁多咗時間便自我增值。我覺得自己好叻，一把年紀，學咗唔夠一年，老師話我可以彈四級！”