陳逸璇推新碟從頭做起

陳逸璇(Jolie)日前接受主播許文軒專訪，大談相隔十五年再推出唱片感受。她謂：“依家就好似經歷從頭做起，學識晒再返娘家（環球唱片）重新出發。今次翻唱專輯，我都放了好多Jazz元素入去。”

Jolie透露有段時間轉行做金融工作，所以少了唱歌：“但發覺開心度大減，覺得無必要放棄唱歌。就算不在幕前唱，也可以自己鑽研，所以便去Jazz Bar跟不同的音樂人Jam歌。”未料到在無心插柳下多了演出機會，還自組Jazz Band、寫歌及參加比賽。

談到拍攝唱片封套趣事，Jolie說：“影出來的相好似好靚咁，趴草地好享受，但其實地下有好多蟻，仲要爬上身同咬我，搞到好痕；有一下真係接受唔到，爬到去雙腳內側，我成個人彈起，真係好驚。雖然係咁，但係值得，因為效果好靚，令我好滿意。”

提到感情方面，Jolie說：“暫時只想專注音樂。但我發覺依家好多藝人、歌手結婚生仔後，形象更加好，所以我唔會刻意取捨，希望兩樣都可以有！（曾經試過婚姻失敗導致抗拒拍拖？） 又唔會抗拒，但係會小心處理。以前愛情大過天，但依家最重要係搵到一個可以相處的人，而且要互相尊重，畀大家空間，控制狂就唔好搞啦。”