國金財進優先考慮

本季賽事進入倒數階段，今仗跑完至下周日馬季便煞科。今屆練者冠軍之爭還未定局，錢健明現領先張兆煊五場頭馬，計落條數尚餘兩仗對手唔易追。究竟誰可摘冠，跑罷今仗始有分曉。

上周五晚錢廄勝出一場頭馬，現累計四十六場，比兆廄多五場，爭冠軍仍佔一定優勢。今仗續屯重兵出擊，全日九駒應戰，擺明要在本季最後兩仗爭取贏馬，迷哥迷姐可留意。

第三場：三班千二米。“國金財進”上仗沙地任布利操刀跑第六，該仗快放有頭無尾，但敗未脫節。拼後加強磨練，今仗易配贏馬的張志立，人馬夠夾檔。此駒同程開齋，路有專長，欣逢路合檔宜，值得優先考慮。

第四場：三四班千五米。“如意勵嬴”連仗有前有後，跑來水準穩定。拼後重新打磨，論馬近況仍佳。此駒勝後重來續由張志立操刀，擺明要再搏。此質新馬實力未見底，憑質新當起，拼盡可添食。

第六場：四班千八米。“好友福”近期屢拼不逞。上次同程用艾比跑第八，騎者發揮未盡，敗不為奇。此駒長途具長力後勁可取，季內連仗評分已下調，現居班次有微利。今次原程再戰，易配田中正一操刀配搭完整。此子騎錢廄馬一向交得準繩，拼盡可勝。