靚湯拍床戲與導演講數

昨日，湯洛雯（靚湯）與名廚黃亞保一齊出席酒類宣傳活動。談到飲酒，靚湯坦言：“我平日愛飲清酒及柚子酒，但酒量好淺，還試過飲醉。（醉了是否會罵人或失儀？）不會，只會對女性特別溫柔，對男性就更冷漠。我記得幾年前去日本拍攝節目時，就試過跟高海寧酒後互吐心聲。（男友馬明酒量如何？）他的酒量和我一樣好淺。”

談到男友與唐詩詠在新劇《隱形戰隊》中將有激烈床戲，靚湯坦言不會介意，因為自己都係演員，明白只是工作而已。她更笑言：“我和黃嘉樂在新劇《OPM》都有床戲啦，都好激，我都向導演反映過，希望盡量以意識形態代表便算。”

早前靚湯的愛貓離世，她坦言昨日才剛平伏到心情。她表示不想再養新的貓，因為家中還有兩隻貓和一隻狗。