陶醉新勝打鐵趁熱

今午上演本季煞科戲，八場黃昏馬在全闊草地角逐，頭場下午四點正開跑。今仗跑罷，新馬季九月十八日開鑼。騎師陣容巴西鮑羅素跑罷今仗棄牌而去，日將中野省吾刑滿上陣。何華麟傷癒復出，傳聞此子下季開倉今仗是告別戰。重頭戲第五場“澳門金盃”一級賽，看點“聖靈之都”惡鬥“耀昌之星”。

心水推介，第六場二班千二米，錢健明廄“陶醉”可做馬膽。此質新馬表現予人好感，拼後重新打磨，原配再戰原程，在全闊跑道角逐更佔優勢，值得睇高一線。

“陶醉”早熟馬富作戰經驗，外地十戰取三冠兩亞一季，戰績不俗。上次一出即勝，馬匹直路走勢強勁。拼後小休再戰，續跑千二米路程適合，續由田中正一掛帥駕輕就熟。“陶醉”新勝打鐵趁熱，今仗排二檔有利，出閘跟貼對手，直路憑凌厲竄勁殺上，有權添食。