獲學友出山合唱新歌

李幸倪：歌唱生涯里程碑

無線《兒歌金曲 Summerfest》前晚進行錄影，出席藝人包括歐倩怡、李幸倪、黎瑞恩、菊梓喬、JW王灝兒、 譚嘉儀、姚焯菲、鍾柔美、薛家燕、黎諾懿、丁子朗及羅毓儀等。

無線《兒歌金曲 Summerfest》前晚進行錄影，家燕姐偕同藝術中心一班學員到場，不少演出歌手亦以卡通人物造型現身。黎瑞恩表示當晚會跟兒時參加過的合唱團一起合唱多首七、八十年代的兒歌。她感慨地說：“見到佢哋，就好似見到細個時自己，有啲感動到想喊。”她又指仔女四、五歲時也有參加兒童合唱團，唱歌之餘又可以學習紀律。

首次參與兒童節目的李幸倪(Gin Lee)獻唱了《魔雪奇緣》(Frozen) 主題曲《Let It Go》，她笑言揀錯歌：“我有睇過套戲，但冇意識到首歌咁難唱，搞到我有少少後悔。”她又謂很喜歡小朋友：“我跟小朋友好有緣份，小朋友見到我都會好開心，又會叫我Gin姐姐或Gin老師。”可有興趣教小朋友唱歌？她卻說：“未試過教小朋友唱歌，因為小朋友比較難控制。我希望有機會推出兒歌，如果唱兒歌反應好，都可殺出一條血路。”

Gin Lee透露近日忙於為與張學友合唱的新歌宣傳：“日前剛完成MV拍攝，首次跟張學友合唱，感到好榮幸，同時亦感到有點壓力。”她透露兩人係一齊錄音，日前就到郊外拍MV：“暴曬咗幾個鐘，好多謝學友配合！能夠請到學友出山好榮幸，好難得！加上我好鍾意佢，今次合唱係我歌唱生涯中一件好威水嘅事，係一個里程碑。”

歐倩怡廿多年前主唱兒歌《問題天天都多》，唱到街知巷聞，多年後仍大受歡迎，更成為網上觀眾投票點唱榜首。昨日她笑說：“投我一票的人相信已經做咗父母，呢首歌係九七、九八年推出的，當年唱呢首歌時，我只係十七、十八歲。”問其子女可有聽她唱兒歌？歐倩怡指子女都是聽韓國歌長大：“因為近年香港很少新兒歌，我都想製作兒歌。如果大家唔怕聽到嘔，我都願意再唱。”

近日有傳她的老公郭晉安唔續約TVB，昨日歐倩怡表示冇聽聞，又指安仔現時的產量都是一年一兩套劇：“最近才在內地拍完《白色強人2》返港，我都冇聽過佢話唔簽約，佢依家經理人係王祖藍，我亦唔覺得佢工作有乜變動。不過疫情後有好多工作都停頓，好多計劃亦擱置。”

倩怡又指老公現時全職湊仔，她就全職讀書：“正攻讀運動營養學碩士，明年畢業便可成為註冊運動營養師。我都想做全識，體驗返朝九晚五生活。中學畢業後，我第一份工已經做幕前，唔知自己頂唔頂得順。”笑問她是否可以養起安仔？倩怡笑說：“佢片酬好高，唔使我養啦，佢拍多幾套劇好過啦。”