方皓玟尾場騷克服畏高

方皓玟（小明）的紅館演唱會前晚去到尾場，在唱出經典大熱作時，全場一起大合唱，粉絲熱情的表現打動小明上台Encore。完騷後，她透露為個唱多次突破自己，成功克服畏高。

個唱來到尾場，當小明的成名作《你是你本身的傳奇》及《假使世界原來不像你預期》前奏響起時，粉絲已主動開啟電話閃光燈揮動，台上熒光幕播放出現場觀眾的臉孔時，大家見狀都投入打招呼，彷如回應小明，場面感人。小明表示：“唱呢兩首歌時，我覺得呢部分好有香港氣息，好似共度一段時間之後大家互相認識，好似大家都有共同回憶，亦都係互相支持對方，所以整個氣氛都好溫暖。雖然冇特別的舞蹈，但係呢部分感動就係因為大家有共同感受，所以變咗大家一齊互相支持的時候，我都被感動。”

小明透露為了今次演唱會有多番自我突破：“我有畏高，今次舞台有好多升降台，但原來為咗呢個騷，就算企到升降台上，真係會忘我地唱歌。另外，我又未試過跳當代舞去演繹一種角色，跳舞加埋唱歌，要穩定地唱歌及表達到當中訊息，我覺得好好玩。因為挑戰自己，有啲新鮮嘢畀大家睇到，就係我想做到的。”