無線懲罰陳展鵬？

一米八高富帥視帝陳展鵬，配一米四九的“香扇墜”形“糖妹”，《童時愛上你》擔任男一女一，當年兒童節目的懷舊作，非台慶劇也。立即傳出，陳展鵬因為續約扭計加薪，立遭TVB大懲罰：加辛！

短片流出，糖妹跟陳展鵬在北潭涌拍《童》劇外景，講一直暗戀張振朗的糖妹，落寞心情下，斜坡踏單車墜地受傷，幸遇路人陳展鵬，同是天涯失戀人，互訴心曲。糖妹拍這段墜車戲，眞嘅一樣，瞓身爛地。高大的陳展鵬，為了就住糖妹，不讓她視線不停向上咁尷尬，展鵬流着大汗盡量踎低配合，成個暖男咁款。糖妹跟展鵬初次合作好有新鮮感，但被爆舊秘密：“糖兄老婆原來係展鵬粉絲會要員，我一早已知道佢哋成日講‘鵬鵬’個名。”糖妹自言，今次可以在糖兄面前耀武揚威了。

《逆天奇案》後，陳展鵬很少擔正重頭戲，多齣新劇都找他“助攻”而已。“好多朋友問我，點解最近工作上咁大調動？”陳展鵬自揭傳聞中的“大懲罰”：“其實，與公司共同協商的，想我多點演出不同型類劇種，跟多些新人合作。讓觀眾冇咁悶。”在旁糖妹舉腳贊成，“鵬鵬向來好有觀眾緣，可以起到加持作用。”

“同咁多人合作都開心的。”陳展鵬坦言喜歡挑戰。“與不同的嘉賓客串，可以帶出新鮮感，搵我做傳菜員也不介意，哈囉，乾炒牛河一碟送到。”擔心被降呢做串星？“唔會啩，我咁Old School，許多觀眾睇住我成長，最重要係，我演出好有誠意。”

傳說扭計加薪，現時與TVB關係如何？“非常好！續約條件非常好。”陳展鵬字正腔圓回應，“TVB養緊我屋企。我打工啫，咁嘅環境，公司好，我咪好囉。”

減戲大懲罰傳言中，陳展鵬是打工仔，公司擁主動權；消息傳出，即將開鏡的時裝懸疑劇《隱門》，由王心慰監製，陳展鵬擔正，還有黃智雯、吳岱融及阮浩棕等參演，絶對是TVB重頭作品。相信，展鵬被懲罰的說法就此終結。

高 梁