眾學員指唱歌易過拍戲

姚焯菲唔擔心影響學業

無線青春歌舞劇昨日舉行開鏡禮，一班有份參與拍攝的《聲夢》學員齊齊以學生Look現身。炎明熹早前推出的首張單曲榮登熱唱榜第一位，昨日亦獲眾人齊聲祝賀。

炎明熹(Gigi)、鍾柔美(Yumi)、姚焯菲(Chantel)、冼靖峰(Archie)等《聲夢》學員，昨日一起出席無線青春歌舞劇《青春本我》的開鏡禮，TVB高層曾志偉、何麗全、樂易玲亦有到場支持。

Gigi表示與多位《聲夢》學員在劇中分別扮演心理有問題的學生，首度拍劇的她心情好緊張：“劇中會有喊戲，但導演好好人、會幫我，相信好容易入戲。”被問可有親熱戲？Gigi大賣關子，叫大家留意播映。Chantel則表示自己年紀尚輕，不會有這類情節。Gigi說：“唱歌易過拍戲，唱歌比較多、拍戲少，相信要畀多啲時間。”

首次拍劇的Chantel，表示今次角色貼近自己，亦唔擔心拍戲影響學業：“因為每日放學也會做齊功課，大多數在周末才會拍劇。不過又有新功課要做，由於畫功唔叻，所以擔心唔合格。”

Gigi日前接受“嘟姐”鄭裕玲訪問後，獲嘟姐大讚她適合娛樂圈工作，昨日Gigi說：“多謝嘟姐，我覺得她好好人，訪問期間好照顧我。”她亦被網民指外貌及髮型似足韓劇《魷魚遊戲》中的木頭人，她笑言自覺齊蔭髮型及眼晴最為相似，又指就算被指似卡通人物“野口同學”也是因為髮型關係。

Yumi與Archie在劇中均扮演學生，童星出身的Yumi被Archie大爆昨日演出時頻頻NG，Yumi解釋剛開始拍攝，未習慣面對鏡頭，加上要演繹情緒戲，難免會有NG。她說：“我冇數過NG幾多次，我太專注啦！”

Archie笑言唔會唔習慣穿校服：“因為只係四、五年無着過。”本身演戲零經驗的Archie，覺得演群戲最有難度：“講一兩句對白就不其然會踏前一步，搞到遮擋站在後面的演員，拍戲並非只望住對手就得，亦要留意鏡頭擺位，感覺與台上唱歌大不相同。”但他亦表示由於戲中較少對白講，所以不會太多NG。他說：“導演指有啲角色會用返同我個人差唔多的設定，有啲就會顛倒，但我係咩角色就唔講得住。”