區瑞強為肥媽諗組合名

區瑞強(Albert)將於本月十五至十七日假灣仔伊館舉行一連三場演唱會，前日他就聯同演出嘉賓肥媽及李麗霞（黑妹）進行彩排， 大唱國語懷舊金曲。

Albert表示今次演出歌單中有八成係中文歌，亦會配合主題大唱上世紀七十年代紅遍香港的香港及台灣的歌曲：“因為當年的台灣歌，很多歌迷都會琅琅上口。”肥媽與黑妹亦會孖住上唱歌， Albert抵死地幫兩人起了個組合名：“就係湯羹姊妹花，有人改過筷子、匙羹姊妹花，但太細隻，湯羹先夠闊！”肥媽聞言笑說：“呢個名掂呀！可以去登台！”

Albert透露還會找來大學師弟兼魔術師甄澤權做嘉賓，可會找肥媽及黑妹合作表演刀鋸美人？Albert笑說：“驚鋸爛把鋸，鋸好耐都未鋸得開，鋸一個都可以，鋸兩個的話，魔術師都驚。”問到肥媽及黑妹可會興趣擔當“美人”？肥媽搞笑玩食字：“摸我呀？冇嘢做呀？無啦啦畀人玩？我哋守身如玉！”黑妹就笑說：“佢敢我就去！”