吳麗珠曾目擊阿梅遇襲

闊別娛樂圈多年的前無線藝人吳麗珠，接受香港電台《舊日的足跡》節目主持人車淑梅訪問，分享演藝逸事和舊情史，她又憶述曾目擊已故樂壇天后梅艷芳於娛樂場所被人掌摑這一傳聞。

吳麗珠表示：“我最難忘一九九二年五月初那個晚上，我和兩位女藝人如常喺《歡樂今宵》收工後去九龍塘嗰間卡拉OK玩，諗唔到竟遇上阿梅被人掌摑嘅事……其實佢係畀人‘質’咗一拳，我親眼見到，佢當時係由其他房間走入嚟坐低，我哋坐喺附近，嗰個人由另外一間房氣沖沖走入嚟，好似話阿梅唔畀面，我當時都唔知發生咩事，我哋驚到叫走，我冇叫阿梅一齊走，因為我見好似有人幫佢解決同面對。事出突然，我驚到開車都腳軟……後來，九龍城差館叫我哋去落口供，我真係好擔心阿梅……”珠女坦言：“再見返阿梅時我冇再提起，知道佢去咗泰國一排，再出返嚟件事應該已經係解決咗。”