熊黛林被八號波耽誤生日宴

熊黛林 (Lynn) 昨日正日生日，公司老闆及同事早在前日就為她預祝生日，還特別訂製Lynn小時候最愛吃的菠蘿油造型蛋糕，Lynn看到後大感驚喜。

Lynn望住個菠蘿油蛋糕笑不攏嘴，笑說：“我不是感動落淚，而是笑到飆淚！蛋糕形狀加支蠟燭有啲搞笑，蠟燭都不知道插在哪裡好。”她大爆被同事點中死穴：“菠蘿油係我最鍾意食的港式麵包，但因為牛油係我嘅死穴，一食就肥，所以已經戒咗好耐。今次大家知道我鍾意菠蘿油，就訂呢個蛋糕畀我，真係好有心，好感動！”

Lynn表示本來與家人相約出外食飯慶祝生日，但前日計劃在家舉行大閘蟹宴，不過八號風球持續一整天，令到家人聚會延至昨日正日生日才舉行。雖然天氣打亂了慶生計劃，但Lynn的心情未受影響，她笑說：“其實我真係大閘蟹控，因為今年未食過，老公諗住生日正日陪我食最鍾意的大閘蟹。但八號風球一直都唔走，所以不能出外；再加上冇準備，所以只能在家食公仔麵。其實食唔食到都無所謂啦，只要一家人齊齊整整、開心就足夠。”談到生日願望，Lynn說：“我的生日願望係身體健康、BB快高長大，希望疫情快啲過去，所有嘢重回正軌。”