許靖韻新歌無心之作

許靖韻(Angela) 日前接受娛樂新聞台節目專訪，大談推出新歌的感受。談到新歌講述三角關係，她說：“我本身有好多慘情歌，全部都係受傷害。其實唔係每一次我都係受害者，我都試過傷過人，呢首歌就係送畀我傷過的男仔當作禮物。”

Angela透露：“呢首歌係冇預計之下出現，當日監製蘇道哲的生日派對上，大家在屋企食嘢，恰好有個鋼琴讓我哋Jam吓歌。馮允謙(Jay)話不如寫歌？我哋就不知不覺間寫咗好多，Jay錄低晒，第二日整合初版畀我哋聽。之後填詞人張楚翹上來，一邊聽我哋創作、一邊寫歌詞，大家都好有感覺。”

Angela說：“其實我好怕三角關係，因為好怕煩，最好一個就一個，希望搵到一個之後可以穩定落去。（以結婚為目標？）我都唔知，但我諗我係會結婚的，不過暫時未有衝動，唔排除當遇到一個合適對象之後會突然好想結婚，可能仲係我做主動呢。”