澳門好來者不善

上周六因打風取消賽事，今晚六場補賽是新樽舊酒。今季開鑼跑三次賽事，練者陸續開齋，馮耀正暫以五W帶頭。但未開齋者仍有多人，外籍倉口賀蘭杜夫及李森較慢熱，季初上陣馬不多，等戰駒回氣再搏。同線劉志森廄季初有馬搏殺，惜未能打開勝門。今仗整軍再戰，多匹精品列陣，馬迷務宜盯緊。

劉志森練馬有功夫，部署出擊有辦法，戰駒出擊飛到馬到，一向不打無把握仗。上次派多駒搏殺，惜遇打風無緣角逐，今晚重新出發，馬房隨時可發圍，

第一場：五六班千六米。“澳門好”上季初取兩勝一位，季尾連場敗仗，看部署旨在替馬匹減分。上次新季首戰跑短途大敗，此程路短難作據。拼後小休再來，今於五六班混戰對手不多，形勢逆轉。此駒現時評分有利，增程強配田中正一操刀，來者不善，憑班底支持，可勝此陣。

第三場：一二班千六米。“聖靈之都”沙草均佳，上仗一三五○米埋門後上不及，敗於對手短馬位，但表現仍佳。此馬王實力雄厚，拼後增程再戰形勢逆轉。今跑長途尤合腳法，原配高君濤戰鬥力堅強，憑人強馬壯，可敲開新季勝門。

第五場：三班一三五○米。“鳳煌之星”善鬥後勁，直路衝刺煞食。上次無功而回，因路短敗不為據。今季首戰已熱身，近日加強磨練再來，賽前亦有準備。今仗回配林凱操刀，騎者贏過熟悉馬性，今於三班作賽負磅輕飄飄，隨時一網打盡。