昨日賽事總投注二百四十餘萬

史偉恩中野省吾起孖

昨天草沙混戰完結。是仗跑五場且出馬有限，投注額共二百四十二萬二千元。

頭場六班混戰大熱取勝。恩利克騎史偉恩廄“婦好將軍”，以強勁衝刺挫敵。此駒上次由蔡義武跑同程闖入三甲，拼後走馬換將，今次易配恩利克再搏。騎者出閘守好位，入直路發力衝刺，埋門將對手一網成擒，替馬匹打開新季勝門。史偉恩喜添頭馬，恩利克應記一功。

第二場田中正一贏賀廄“玲瓏皇”。此雙人馬上季贏完唞過再來，今次原程續戰開齋路。騎者出閘快步搶先，沿途貼欄領放直帶到尾，贏來甚輕鬆。“玲瓏皇” 摘取跨季連勝，騎、練攜手添進帳。

第三場史偉恩廄起孖。旗下“追鷹”交中野省吾操刀以快打慢，出閘應聲帶出，全程貼欄領放，一口氣直奔終點，贏來全無壓力。“追鷹”今季首戰即勝，馬匹表現生氣勃勃，料季內還有頭馬見面。中野省吾喜添一W。史偉恩起孖收穫豐。

第四場中野省吾高中兩元。此子贏完“追鷹”乘勝追擊，是場騎輝廄“鑽飾月光” 出閘搶放，由頭直帶到尾，贏至對手無力招架。此駒上季沙草地皆有好表現，今季開鑼賽贏過同程。今次小休再來，復跑沙地短途正合胃口，出閘快放贏來輕鬆，替馬匹新季再捷。李家輝增添頭馬，中野起孖。

尾場張志立開齋。此子連場拼搏未能贏馬，跑至是場騎高廄“浩勝寶馬”，以較強後勁挫敗對手，爆十四倍冷W。此雙人馬上季贏完再來，今次跑沙地表現更佳。騎者開齋，高廄喜添頭馬。