如意娉婷搏盡求勝

澳馬場馬不停蹄，周六續上演六場草地賽，今次共設多項盃賽好戲連場，料有瞄頭。開季後華洋練者續有人開齋，但上周蔡鎮威揮軍出擊，廄內“如意快駒”只跑三甲，“金玫瑰”力拼飲恨第二，馬房未能開勝門似有點欠運。其實跑馬要講實力，尚要講運氣。練者縱有心搏殺，但未獲幸運之神眷顧亦無奈。蔡鎮威開倉後穩紮穩打，連季成績上升。前季取十一W，上季十七W，算交到功課。蔡鎮威料理馬匹有心得，尤其對傷患馬更落足心機去撚。前季“如風”腳患嚴重，經練者及廄中人悉心打理，馬匹健康好轉，該季摘取四勝四位，替馬房立下戰功，惜季初出爭一三五○米後因健康問題退役。威廄缺少此匹沙地悍將，實力受削弱，幸廄內尚有多匹質新馬可派用場。當中“如意娉婷”編在第五場三四班跑千八米，此駒唞暑後首度出戰，今次出爭首本路，賽前已有準備。“如意娉婷”上季取四勝四位，表現好到你唔信。馬匹長期有態，且演出準繩，同任布利是最佳拍檔。“如意娉婷”跟得鬥得，長途夠氣量，屬庸中佼佼者。今仗路程適合，抽到一檔好位，形勢比人強。交任布利主轡，人馬已有默契。蔡廄季初搏殺連場失利，練者尚未開齋亦心急贏馬。今仗必搏盡求勝，賽日可重視。