江熚生畏高坐直升機好緊張

昨日，陳卓賢 (Ian)、江熚生 (AK) 一起出席慈善活動。二人更會與兩名義工齊齊體驗坐直升機。AK表示：“我有畏高，首次坐直升機都有緊張，不過驚得嚟又要玩。之前我被迫玩過笨豬跳，但都克服唔到畏高。（今次又如何？）喺直升機上我會盡量望遠處嘅風景，分散注意力。”Ian則笑言：“其實我自小就希望大過咗做飛機師，所以今次可以坐直升機空中飛行，感覺真係好好，而且可以欣賞到維港嘅美景。”

對於有報道MIRROR紅館演唱會將於明年七月舉行，AK表示：“我都係睇到報道先知，未收到公司通知，（是否暫定十場？）真係唔知道確實消息，我亦有問花姐，佢話稍後先話畀大家知。”