肥肥白白力度貫注

昨周四晨課，大部分上陣馬皆踱步操練，不少已有作戰水準。現選擇數駒評述。

“江河麗影”由騎馬人踱步。按韁順走，姿態從容，步頭力度均勻，論態對辦。上仗跑草地千二米，後上爭得第三。而上季尾一役千五米，快放取勝。今唞順復出再跑草地千五米，再配余健雄，值得睇好捧場。

“肥肥白白”由余健雄踱步。踱來步順，力度貫注，且馬身健碩，毛色光潔，態況轉勇。進步中的質新馬，今季兩仗沙地賽，拼得第三。拼後小休，連番操練後更見上力。今復出轉戰草地千二米，易配余健雄，有力再爭。

“耀新之星”由騎馬人踱步。緊韁扣實，全程搶走，氣盛步幅開揚有力，狀態不弱。近兩仗沙地賽，爭得第三。小休再操，態況仍勇。今跑草地千二米，易配恩利克，料有機會再爭。

“博名”由騎馬人踱步。步伐從容，上力仍足，馬身輕巧，觀感好。上仗來澳首次上陣，跑草地千二米，後上取勝。勝後唞暑，休息兩個月，復課加強操練，走勢更見上力。今再跑草地千二米，高君濤再騎，有機會贏多一仗。

“國金財進”由張志立踱步。按住走來順暢，落腳富彈力，埋門狀態已起。上仗爭草地千二米，快放得第二。拼後唞暑，復課操練頗順。今季首上陣再跑草地千二米，再配張志立，力足再爭。