多臣態勇拼盡可勝

開季後華人馬房展攻勢，馮耀正連仗搏殺得心應手，現以六W帶頭。今仗馮廄全日出三駒，似志不在此。但另一倉口李家輝廄五駒應戰，不乏實力馬，值得重視。

李家輝開季後已取兩W。此馬房連季慢熱，今季及早開齋，令軍心大振。今季輝廄續有新馬加盟，旗下擁十五駒，實力比上季增強。練者亦善用每粒“子彈”，賽至埋尾料成績反彈。今仗兵分多路搏殺，馬迷可吼緊。

第一場：六班千五米。“荷蘭炮彈”上季贏過一場後再無頭馬進帳，連場敗北，但大幅減分。今次降在六班出戰，計馬應佔便宜。此駒畢竟質新未用盡，拼後復課打磨甚力，備戰工夫做得充分，論馬狀態起得不差。今仗復跑開齋路不同估計，交恩利克操刀有權一網打盡。

第二場：四五班千二米。“多臣”上季同程一出即勝，反映馬匹早熟兼具潛力。賽至季尾屢拼不逞，至多跑入第二名。唞暑後重新操練，狀態勇進。此駒饒有速度，直路竄勁夠強。今仗回師千二米又不同估計。原配高君濤操刀人馬夾檔。憑騎者駕輕就熟，拼盡可勝。

第五場：三四班千八米。“汪臣”上季尾跑同程連番飲恨第二，每次埋門輸半步，似有欠運道。今仗拼後操足再上征途，續由恩利克主轡已駕輕就熟。“汪臣”長途氣袋，現居班次絕不吃虧，遇上同組對手無多，有力敲開勝門。