耀昌之星大熱死火

中野省吾功不補過

上周末賽果仍不利正路馬，頗多場合熱倒冷爆，此情況已是慣性，馬迷玩馬仔要識執生。今季未贏馬的艾比憑賀廄“幸運星”開齋，此雙人馬上季曾有勝績，今次騎者故劍重逢駕輕就熟，由此可見，賀蘭杜夫部署出擊及用人有其手法。前領高君濤勝出同廄“博名”，此雙人馬贏來兵不血刃，替賀廄起孖，高君濤頭馬增至十場，排名續領風騷。

日將中野省吾憑“譜錄”增添一W，尚有“聯安百勝”及“耀昌王子”跑入連贏，現累計九W在手，頭馬追近高君濤，以其身手及鬥志季內隨時可扒頭。上季尾中野省吾停賽復出表現脫胎換骨，於七、八月分共勝十場頭馬。今季開鑼後個幾月已有九W進帳，成績不俗，事實此子騎功不差，尤其放頭馬更有把握，今季“鑽飾月光”贏來有辦你睇。上次“聯安百勝”連次無表現，交其主轡放至埋門只差一步，屈居廄友“幸運星”腳下，雖敗仍予人好感。頭馬“譜錄”藉一檔貼欄搶出，全程自造步速帶到，贏來全無壓力。尾場“耀昌王子”首戰千五米起步應聲彈出，沿途領放至埋門被廄友“輕足”超越，未能打破齋砵，但騎者出閘準繩，且步速掌握得好，反映騎放頭馬是有一手。惟上仗“耀昌之星”大熱死火，可謂功不補過，此駒上季戰績無懈可擊，上仗捧成一倍大熱三甲不入，因騎者出閘後未能踏上腳踏，全程牛仔騎法，最終十駒跑尾二，令捧場客焦頭爛額。為何“耀昌之星”騎者未能踏上腳踏，馬會受薪董事擇日研訊，事件未有結果前不作評論，留待日後再談。