袁和平嘆武打片後繼無人

袁和平（八爺）昨日和導演蕭惠雄，應邀到浸會大學出席“殿堂級動作導演袁和平大師班”講座，吸引近三百名學生出席。八爺分享拍動作電影方面的心得，解構其動作設計美學的精髓。從影多年，八爺稱還是首次出席講座。會否趁機發掘新血？他說：“最好有，但我怕好難，而家啲學生邊識動作，以前都有人學功夫，所以而家多數喺內地或美國物色動作演員，因為佢哋鍾意功夫多啲。”

八爺明言擔心後繼無人：“香港電影主角除咗動作和外型好之外，又要有觀眾緣，之前曾有人提議我開動作片學校，但我唔鍾意，因為做教學工作太困身，自己又唔得閒，如果用我個名開學校，自己都要盡責任去教，唔想只掛名，然後交畀人去教。”習武最好從小學起？八爺說：“唔一定，二、三十歲都可以學功夫。（現在的小朋友不能打？）我都冇打過人，都係畀人打，但以前師父比較嚴，教出來嘅人都弗啲，嚴師出高徒。”