勝利皇星來者不善

今晚五場沙戰戲碼平淡，各場形勢亦危機四伏，賽果容易爆冷，投注要打“因住波”。馬季開鑼未夠兩個月，練者榜上形勢緊湊，馮耀正暫以九W帶頭，錢健明八W緊隨其後。兩廄季初你追我逐，反映練者陣營競爭激烈，寸土必爭。

錢廄是仗出馬實力較強，若逐匹秤有力起孖。這個大倉今季養逾四十駒，實力比人強。旗下兵雄將勇，練者再度摘冠唔奇。今仗六駒應戰多屬沙地精品，馬迷跟紅頂白堪追捧。

第一場：六班一○五○米。“黑色魅力”上仗一三五○米放至埋門始敗，但闖入連贏人馬表現已算不俗。拼後縮程續戰，今仗復跑開齋路正合發揮，原配高君濤執韁戰鬥力夠強。此駒今處混戰場合遇對手無多，力足平反敗局。

第三場：一二班一○五○米。“勝利皇星”上季尾贏過同程，跑短途亦無問題。今季此駒兩戰無功，看走勢似熱身性質。拼後重新打磨，馬匹狀態續增。此駒跟得鬥得，跑沙地不弱於草地，今次回配高君濤操刀，可謂來者不善。憑人馬夾檔有力爭勝。

第四場：二班千六米。“大魔王”今季兩戰無功而回，馬匹熱身敗不為據。拼後重新打磨，今仗操好再來已有準備。此駒現居班次有微利，用上手風大順的恩利克操刀配搭亦強，搏盡可勝此陣。