金融時代乘勝追擊

澳馬今午六場草地賽，在移欄四米跑道角逐，頭場兩點正開跑。今日各場均出足十駒，論形勢緊湊，暗藏殺機。賽果爆冷唔奇，投注執生。騎師田中正一養傷，中野省吾停賽，其餘上仗原班人馬出戰。

筆者心水推介，第一場四五班千二米，蔡鎮威廄“金融時代”可做馬膽。此駒上仗同程快放取勝，高君濤騎來人馬合拍。拼後原配乘勝追擊，欣逢路合檔宜，有力添食。

“金融時代”質新馬潛力未盡露，全熟後料有一番功業。上季首戰闖入連贏，草地千二米走來予人好感，反映早熟兼具好速度。上仗贏馬令人耳目一新，拼後小休再披甲。賽前廄中人悉心打磨，周內晨操高君濤親自摸過，論馬狀態有進冇退。今仗路合檔宜，形勢依然有利，憑鞍上人駕輕就熟，可再勝一局。