耀昌之星爭取連捷

今午新年首次草地戰，六場賽事形勢亂過亂世佳人，連場爆冷唔奇。練者史偉恩今季暫取七場頭馬，龍虎榜排第七，成績不算差。此廄上年尾攻勢放緩留有以待，今日新年首戰派遣皇牌馬出擊，擺明要攞彩，值得吼緊。

史偉恩近年豢養多匹好馬，“耀昌”系替馬房取得輝煌戰功。練者得此批好馬亦名利雙收，料今季成績會大幅提升。今日派五駒出戰質量俱佳，兵分多路搏殺，臨場可留意。

第一場：六班千二米。“耀昌王子”上仗千五米恩利克掛帥無功而返，似無心戀戰，敗不為據。拼後小休用牌仔再戰，獲減十磅形勢有利。“耀昌王子”現只四歲，質新未盡，全熟後躋身五班亦夠周旋。拼後復課重新打磨，論馬狀態勇進。用牌仔憑減磅之助，可期取勝。

第三場：一二班千二米。“耀昌之星”上仗負重磅排大外檔贏來亦輕鬆，反映馬匹質素超群。拼後小休再來，賽前備戰功夫仍做得充分，狀態有增無減。今仗原配張志立操刀，騎者摸過已駕輕就熟。縮程跑千二米合腳法，遇同組對手無多，可爭取連捷。

第五場：三班千五米。“耀昌之威”上仗千八米贏來悅目，表現四平八穩。拼後重新操練，今番唞夠再來擺明要搏。此駒跟得鬥得，季內不斷進步。今仗易配中野省吾操刀配搭完整，憑人強馬壯，有權添食。