軒仔被梁詠琪爆料

張敬軒、梁詠琪 (GiGi)拖手合唱《兩個人的幸運》。軒仔說，多謝女神！你眞係同我個女朋友好相似。

“我的另一半比你矮半個頭。不過，現在已婚，老公是個生意人，好幸福……”GiGi慰問軒仔是否好傷心？“沒甚麼，有少少Dry……”軒仔惆悵中突然喜形於色，“不如說回我讀書時常常聽你的歌吧。讀中學時，你的電影及多首歌曲，陪伴我度過十月芥菜的青春期。”GiGi立即澄清，“我其實只比你大幾年，唔好講到我好似大你幾代咁。”

你說我女神，我回敬你暖男。GiGi開始講故事，話說二〇一五年，他們有個共同朋友的父親，經常要出入醫院，朋友的媽媽年紀又大，照顧不到。軒仔知道對方的難處後，說自己有車又有司機，可以接載其父去醫院，減輕對方的負擔。經過一段日子後……GiGi話鋒一轉，原來軒仔騙人的，事實是軒仔出錢租車自任司機來幫助朋友的。被GiGi踢爆往事後，軒仔笑言：“幫到人，是自己的福氣！”

有錄像為證，軒仔的捧場觀衆中，四個月BB到八十歲都有，藝人陳少邦、鄭加盈的四個月大女兒樣子萌爆可愛，喜歡小朋友的軒仔，大受歡迎，開心行近時，四個月大歌迷沒有喊，嘴仔郁郁，似送飛吻。

歌迷為吸引偶像關注，各出奇謀。有五名歌迷頭上頂着方形麵包，靈感來自軒仔家中的“遮遮”為他做的早餐……“你哋乖啦，會遮住後邊。”軒仔溫柔説：“心意我收到啦！個包你哋帶返屋企食啦。”

有歌迷頭場已捧出大頭相，軒仔叫他“化掉”。第六場了，他再捧出花邊大頭相。“你咁捧着出街，阿媽冇問咩？人哋以為你招魂呀！百無禁忌。”

面對“天才橫溢”的歌迷，軒仔一一拆招。有歌迷舉起“世一軟J”燈牌，此乃男人大忌，軒仔怒喝一聲：熄掉！

高 梁