安俊豪新歌落重本

日前歌手安俊豪(Simon)作客TVB娛樂新聞台的節目《StarTalk》，接受許文軒專訪，大談推出新歌《刺蝟》感受。Simon說：“我好想透過自己嘅音樂作品畀樂迷睇到自己嘅性格。今次呢首歌係個人寫照，歌曲透過自己嘅經歷認真探索人性同內心。今次歌曲玩電子元素，由於唔係自己專長嘅項目，所以都買咗好多MIDI Launchpad同黑膠碟去學，嘗試做好多唔同嘅聲，但我發覺咁樣去研究好貴，因為不停咁買聲放落入去個Pad度。”

安俊豪參加第一屆亞洲星光大道入行，談到與星光幫關係，他直言大家非常友好，像家人一樣：“我同陳蕾、羅力威、譚杏藍等一班星光幫好似中學同學咁，每次有聚會大家乜都會講，連啲秘密都講出嚟，互相信任，好信賴對方。見到佢哋就有一種推動力，叫自己加把勁。”