美麗之最決心求逞

近日馬圈新聞不離錢廄多駒被拉倉。練者今季要打冠軍保衛戰，目前雖有兩W優勢，但戰駒流失現馬口不及馮耀正多，對爭冠有莫大影響，且看季內如何部署。

牌仔梁曉傳近期贏馬“砰砰聲”人氣急升。此子出道幾個月，現排名第三位炙手可熱。上仗替賀廄取得一口孖寶進帳，騎練合作愉快。今仗此路人馬又來搵食，賀廄三駒交梁曉傳搏殺，睇環境又有馬贏，跟紅頂白，不妨吼緊。

第四場：二班千八米。“美麗之最”上仗千五米姍姍來遲，後上不及飲恨第二，雖未竟全功但人馬表現不俗。拼後小休重新部署，打磨甚力，論馬狀態勇進。今次回師贏馬途程尤合發揮，續由牌仔梁曉傳主轡，馬房已決心求逞，憑路合班宜，可勝此仗。

第五場：四五班千五米。“幸運星”同程共取兩勝四位，可說路程專家。此駒季內求減分，故連仗無功不足為奇。上仗負頂磅得第四，敗未脫節。今番起用梁曉傳出擊，騎者獲減七磅又不同估計。此駒直路竄勁夠強，操足搏殺可贏馬交代。

第六場：四班千二米。“拳王”前仗同程後上取勝，由梁曉傳主轡一條直路殺上，贏來無懈可擊。上仗易配艾比遊河歸來，騎者擺明無心攻堅。今仗重配梁曉傳操刀，騎者已摸熟馬性，遇同組對手平平無奇，又抽到一檔靚位，形勢大好，可食尾餬。