江山錦繡來者不善

今晚六場沙地賽，頭場七點○五開跑。騎師陣容除艾比棄牌外，續由原班人馬上陣。賀廄新牌仔劉傲首度登場，可獲減十磅且看表現如何。綜觀大局，全晚各場多缺乏重心，部分低班混戰群龍無首，賽果容易爆冷，投注小心選擇。

筆者心水推介，第五場四班一○五○米，蔡鎮威廄“江山錦繡”可做馬膽。此駒上仗跑入直路受對手干擾，敗得無奈。拼後小休再戰，強配高君濤來者不善，憑其功架可替馬匹開齋。

“江山錦繡”在澳出戰多場迄未贏馬，最叻只獲三亞一季，全部跑沙地所得。由此反映，屬擅沙之駒。此六歲馬外地拼搏不少，來澳插三班起步似無優勢。惟季內連敗評分驟減，現居四班有利可圖。拼後唞夠扳強搏殺，用高君濤執韁應不同估計，遇同組對手不外如是，出頭機會來臨。