勇強追風擅沙可勝

本地疫情趨緩和，今晚有馬跑。六場沙戰形勢緊湊，投注不宜偏重大熱門。練者爭冠形勢緊湊，錢健明、馮耀正各擁三十三W，鬥至平頭，誰可摘冠實難預料。今晚此兩廄不乏精品，可以留意。此外，張兆煊亦佈強陣，睇環境會開殺戒。

張兆煊暫取三十W排名第三，只落後對手三W。今季尚餘六次賽事，計數還有得追。兆廄馬季尾減夠分，加上質新馬湧現，對爭功有莫大幫助，賽至埋尾，後來居上不為奇。今仗八駒應戰有力數餬，值得吼緊。

第二場：五六班一五一○米。“勇強追風”季內連敗多場評分已減，現居此組作賽形勢有利。“勇強追風”沙地獨沽一味，跑同程有利後追。拼後休養生息再來，今次易配張志立出擊，遇同組對手不多，憑擅沙性能可勝此仗。

第三場：二班一三五○米。“江河神獸”沙地好手，有績可尋。此駒季內未贏過，但評分減至低點，現居此組有微利。今跑同程最佳出路，同黃世浩亦老搭檔。拼後小休重臨，續由騎者操刀人馬合拍。憑班底支持，有權推翻一切。

第六場：四班一○五○米。“柏雪之寶”已久無頭馬見面，季內連敗多場評分減至新低，上次蔡義武跑入第四，直路走勢予人好感。此駒班底夠厚，沙地最佳出路，今仗仍交蔡義武熟手操刀擺明要搏。騎者駕輕就熟，爆冷唔奇。