姜麗文再示範豬隊友

李思捷被嘲乞人憎發爛渣

由李思捷主持及監製的遊戲節目《思家大戰》，本周日將推出第二季，首集嘉賓邀得姜大衛（John哥）率領的“衛李鍾情”隊，及王梓軒率領的“演鬥Gang”隊。前者成員有John哥及太太李琳琳、兒子姜卓文（細John）、女婿曹永廉、姪女姜麗文（Lesley）；後者成員有唱作歌手鄭嘉嘉、黃浩邦、音樂人范文浩及張可永。

今集一大亮點，是在上周日首播的《開心無敵獎門人》中展示“豬隊友”非凡實力的姜麗文。上季兩度挑戰均失敗而回的她，今次第三度挑戰自然有備而來、勢兇夾狼勢要一雪前恥。可惜出師不利，答問期間因遭思捷追問與老公的私人事由“囂張自信”慘變“紅都臉晒”，更弱弱地低呼了一句：“Oh My God！我四叔喺度，唔好問我呢啲嘢啦。”

另一亮點是今集火藥味濃，為慶祝《思家大戰》添食第二季，“演鬥Gang”應思捷要求即席大玩Acapella（無伴奏合唱）贈興，豈料王梓軒竟劈頭第一句便向思捷挑機︰“有啲人話李思捷緋聞多到太離譜，有啲人話佢今季冇嘢撈。”之後製作組再踩多腳以“一個字形容李思捷乞人憎嘅原因”為題目，引起嘉賓圍攻思捷，思捷最終忍不住大罵：“Shut up ！ ”更一度“發爛渣”謂：“我返屋企唔撈喇！”場面搞笑。

另一條題目：“女兒第一次帶男友見家長，但作為父母唔鍾意未來女婿嘅原因係乜”，John哥秒速撳燈搶答：“樣衰！”瞬間全場焦點落在“真 · 女婿”曹永廉身上，曹永廉則微笑回應。之後John哥搶答再補槍，表示唔鍾意囡囡另一半“有體臭”，現場再度爆笑。